Ցանկացած այլ վայրում, որտեղ ներդրողը կկարողանա գնել լքված տներ, գործարաններ, փակ եկեղեցիներ՝ յուրաքանչյուրի համար վճարելով միջինը 500 դոլար, նրան կհամարեին կոմերցիոն տաղանդ: Սակայն խոսքը սնանկացած Դեթրոյթի մասին է, որտեղ 6350 անպետք շինությունները 3.2 միլիոն դոլարով գնելը անմտություն է համարվում:
Ինչևէ, նման էնտուզիաստ գտնվել է՝ տեղացի ձեռնարկատեր Հերբ Սթրեթերը: Նա աճուրդում դարձել է «չափազանց վատ» լոտի միակ գնորդը՝ փոխանցում է The Daily Mail-ը:
Այդ տներից առնվազն երեք հազարը միանգամից քանդման ենթակա են: Հարյուրավոր տների վերանորոգման համար այնքան միջոցներ են անհրաժեշտ, որ ավելի լավ է այդ մտքից հրաժարվել: Տեղի իշխանությունների գնահատականներով՝ այդ օբյեկտներից միայն հազարն են ենթակա վերանորոգման, այնպես որ՝ լոտը կազմելիս հույսեր չեն եղել, թե ինչ-որ մեկը կմասնակցի աճուրդին, և ծրագրվում էր այն ամբողջովին փոխանցել Detroit Land Bank-ին:
Սթրեթերը իր առջև բավականին բարդ խնդիր է դրել: Եվ դա ամբողջովին գիտակցված քայլ է: Այդ ամենից բացի՝ նա ղեկավարում է Դեթրոյթի դևելոփերների հաջորդ սերնդի դպրոցը:
Նա իրեն համարում է իսկական հայրենասեր: «Կարծում եմ՝ ես ծնվել են դա անելու համար: Ռեդևելոփմենթը կդառնա սիրո իսկական ստեղծագործություն»,- ասել է նա:
Նա երազում է, որ քաղաքում յուրաքանչյուր ընտանիք իր նոր տունը ունենա, մերձակայքում՝ հարմարավետ ռեստորաններ, ոչ թե ճաշարաններ, ինչպես նաև մանրածախ առևտրի ցանցեր:
