Apple ընկերության արդյունաբերական դիզայնի բաժնի ավագ փոխնախագահ Ջոնի Այվը հայտարարել է, որ տեղյակ չէ ընկերության ֆինանսական ցուցանիշներից՝ հայտնում է Wall Street Journal-ը:
Հանդես գալով Սան Ֆրանցիսկոյի Ժամանակակից արվեստի թանգարանում՝ Ջոնի Այվը հայտարարել է, որ ընկերության համար գլխավորը լավ արտադրանք ստեղծելն է, իսկ շահույթը արդեն հետևանք է:
«Ես, անկեղծ ասած, չեմ տիրապետում թվերի, սակայն գիտեմ, որ դրանք բարձր են»,- ասել է Այվը:
Փորձագետները զարմացած էին, որ Apple-ի թոփ-մենեջերը ծանոթ չէ ընկերության ֆինանսական ցուցանիշներին, այդ թվում՝ 2014թ. ֆինանսական տարվա 183 մլրդ դոլար եկամտին ու 40 մլրդ շահույթին:
