«ԱրմՔոմեդիի» համահիմնադիր Սերգեյ Սարգսյանը 2012-ի ձեռքբերումներ և բացթողումներ, այնուամենայնիվ, արձանագրել է:
2012-ի ձեռքբերումներն են՝ ընտրությունների ժամանակ ակնհայտ բռնությունները դարձան պատմություն, ինտերնետը մի քիչ էլ արագացավ ու էժանացավ, գազի գինը չբարձրացավ ապրիլին: 2012-ի բացթողումներ են` ընտրությունների մանիպուլյացիան չդարձավ պատմություն, այլ ավելի smart դարձավ, բնությունը շարունակում է քչանալ, գիտաելիքահենք տնտեսություն տենց էլ չստեղծեցինք, բնակչության թիվը նվազեց, բացթողումները շատ են:
«Բայց հոռետես լինելը համարում եմ տուզիկություն և դրա համար էլ «ԱրմՔոմեդին» քննադատում և ցույց է տալիս չարիքը՝ ոչ թե հիասթափեցնելով, այլ զվարճացնելով և կառուցողական առաջարկություններ անելով: Օրինակ` ասում ենք, որ լրագրողի ծնոտը պոկելը վատ է, և որպես այլընտրանք առաջարկում ենք ծնոտը չպոկել»,- հավելեց Սերգեյ Սարգսյանը:
