Շնորհավորելով բոլորի Ամանորն ու Սուրբ Ծնունդը՝ Գյումրիի «Ասպարեզ» լրագրողական ակումբի ղեկավար Լևոն Բարսեղյանը 2013թ. հայաստանյան մամուլին մաղթեց թուլանալ և հաճույք ստանալ, քանի որ, ըստ նրա, մամուլին այլ բան անել չի մնում:
Նա հումորով նշեց, որ մամուլը պետք է թուլանա և հաճույք ստանա, որոշ չափով էլ հաճույք պատճառի մարդկանց, անեկդոտներ, զվարճալի նյութեր տպագրի, քանի որ ամենալուրջ բաները Հայաստանում անեկդոտներն են:
«Մամուլը ճիշտ կլինի, որ զբաղվի անեկդոտների տարածմամբ՝ հաճույք ստանա և հաճույք պատճառի: Մաղթում եմ միայն անեկդոտներ, հաճելի բաներ, թող «Հայրենիքի ձայն» թերթը վերականգնվի և այլն: ԱԺ-ում պատգամավորներին էլ այս տարի ծնոտ եմ մաղթում, որ լրագրողներից չպահանջեն»,- մաղթեց Լևոն Բարսեղյանը:
