Digital Sky Technologies Global (DST) հիմնադրամը, որը պատկանում է միլիարդատերեր Յուրի Միլներին և Ալիշեր Ուսմանովին, «միլիոնավոր» ներդրումներ է կատարել չինական խոշորագույն առցանց խանութներում` 360buy.com-ում: Այս մասին հաղորդում է Financial Times գործակալությունը:
Ինչպես գրում է թերթը, ռուս ներդրողները մի շարք արտասահմանցի գործարարների հետ կզբաղվեն նախագծի զարգացմամբ: Ընկերությունների շարքում, որոնք հետաքրքրված են ինտերնետ-խանութով, թերթը նշում է ամերիկյան խոշորագույն ռիթեյլեր Walmart-ին:
Amazon.com ընկերության չինական համարժեքը` 360buy-ը, ստեղծվել է 2004 թ.: Նրա տեսականին ներառում է ոչ թանկ տեխնիկա տան և գրասենյակի համար, համակարգիչներ և բջջային հեռախոսներ, ինչպես նաև հագուստ, կոշիկ, զարդեր, խաղալիք և այլն: Նախագիծն ունի իր սեփական զեղջային համակարգը` Groupon ռեսուրսի նման:
360buy-ի եկամուտը 2008 թ. կազմել է 180 մլն դոլար:
DST հիմնադրամը իր բաժնեմասն ունի աշխարհի խոշորագույն Facebook սոցիալական ցանցում և Zynga ընկերությունում, որը զբաղվում է սոցիալական ցանցերի համար խաղերի մշակմամբ: DST Global ընկերությունը հիմնականում ներդրումներ է կատարում արդեն զարգացած, բայց հեռանկարներ պահպանող ընկերություններում: