Բրիտանական Placebo ռոք խմբի վոկալիստ և կիթառահար Բրայան Մոլկոն կթողարկի գիրք, որում հավաքված կլինեն խմբի գոյության 20 տարիների լավագույն երգերի տեքստերը: Brian Molko: Selected անվանումով հավաքածուն երաժշտի կայքում նախնական պատվերի համար հասանելի կլինի հոկտեմբերի 31-ին: Այս մասին հայտնում է Music-News-ը: Գրախանութներում հրատարակությունը կհայտնվի 2014թ. վերջին:
Ինչպես նշում է պորտալը, խումբը նաև գովազդել է իր համերգային հյուրախաղերը Մեծ Բրիտանիայի և Հյուսիսային Իռլանդիայի քաղաքներով՝ իր 7-րդ՝ Loud Like Love ալբոմով:
Ընդհանուր առմամբ երաժիշտները 18 համերգ կտան: Հյուրախաղերը կմեկնարկեն փետրվարի 25-ին Դուբլինում, կավարտվեն մարտի 24-ին Լոնդոնում:
Loud Like Love ալբոմը թողարկվել է 2013-ի սեպտեմբերին:
