Իրանի նախագահ Մահմուդ Ահմադինեժադը կարևոր է համարում տարածաշրջանի երկրների միջև համագործակցությունը, հաղորդում է Press TV-ին:
Այս մասին Ահմադինեժադը հայտարարել է Թեհրանում Աֆղանստանի դեսպան Բասիր Ահմադ Նուրի հետ հանդիպման ընթացքում:
«Տարածաշրջանի խնդիրները լուծելու համար անհրաժեշտ են կրոնական մակարդակի որոշումներ: Կրոնական տերությունները պետք է ձգտեն ներկայիս խնդիրների լուծմանը`փոխհամաձայնության գալով»,- ասել է Իրանի նախագահը:
Նրա խոսքով` տարածաշրջանի երկրների թուլությունն ու անջատվածությունը ձեռնտու է Արևմուտքի երկրներին:
Ահմադինեժադը նշել է նաև, որ Իրանը աջակցում է Աֆղանստանին:
«Մենք կարծում ենք, որ Աֆղանստանի կառավարությունը և ժողովուրդը, համառության և վճռականության շնորհիվ, զարգացման և առաջընթացի ուղղությամբ կարող են մեծ հաջողությունների հասնել»,- ասել է Ահմադինեժադը: