Aravot.am–ը գրում է. «15 տարի առաջ մինչև 17.05-ը խորհրդարանում այնքան հանդարտ էր, որ լրագրողներով իրար հարցնում էինք, թե ինչ ենք ի վերջո լուսաբանելու՝ նյութ չկա: Ժամեր անց վերադառնալով խորհրդարանից՝ մինչև լուսադեմ փորձում էի վերծանել կատարվածի ձայնագրությունը:
Բազմիցս տեսել եմ՝ դեպքին ներկա եղած լրագրողները դեռ երկար ժամանակ անգամ որևէ բարձր ձայնից էին վեր թռչում, ցնցվում: Իսկ այդ օրը հարկադրված էի նորից ու նորից լսել կրակոցները և ճիչերը… Այդպես է գրվել այս հոդվածը: Այն վերահրապարակում ենք, քանի որ հնարավորություն կա ընթերցողներին փոխանցելու նաև կատարվածի այդ օրն իմ արած ձայնագրությունը:
Պարզաբանենք, որ ձայնագրությունում հայհոյանքները չենք խլացրել քանի որ հիշում եմ այն խորհուրդը, որն այն ժամանակ ինձ տվեց լրագրող Վադիմ Դուբնովը: Նա ստիպեց մեկ առ մեկ իր համար թարգմանել հայհոյանքները, և հարցեր էլ էր տալիս, թե ասենք, մեղմ ասած՝ անբարոյականի զավակ ասածը շա՞տ վիրավորական է մեր լեզվով: Վադիմ Դուբնովն ասում էր՝ մարդիկ Նաիրի Հունանյանին տեսան արդեն հանգիստ վիճակում, երբ հարցազրույց էր տալիս, շարադրում իր գաղափարները, սակայն շատ կարևոր է նրան ներկայացնել այնպես, ինչպես էր, երբ ներխուժեց դահլիճ:
Ամբողջությամբ՝ սկզբնաղբյուր կայքում
