Կենտրոնական ընտրական հանձնաժողովը այսօր ընդունել է «Ազատություն» կուսակցության կողմից Հանրապետության նախագահի 2013թ.-ի փետրվարի 18-ին կայանալիք ընտրություններում թեկնածու առաջադրվելու համար կուսակցության նախագահ Հրանտ Բագրատյանի փաստաթղթերը:
Ավելի վաղ ինքնաառաջադրման միջոցով առաջադրվել էին անկուսակցականներ` Պավլիկ Սարգսյանը և Մամուլի ազգային ակումբի նախագահ Նարինե Մկրտչյանը և ԼՂՀ նախկին արտգործնախարար Արման Մելիքյան:
Նախորդ երեք օրերին առաջադրվել էին ՀՀ գործող Նախագահ, ՀՀԿ առաջնորդ Սերժ Սարգսյանը, ԱԻՄ նախագահ Պարույր Հայրիկյանը, «Ազգային համաձայնություն» կուսակցության նախագահ Արամ Հարությունյանը, անկուսակցականներ, էպոսագետ, Վարդան Սեդրակյանը, Մհեր Հայրապետյանը, «Ռադիո Հայ» ՍՊԸ ժողովի նախագահ, քաղաքագետ Անդրիաս Ղուկասյանը:
Սերժ Սարգսյանն առաջադրվել է ՀՀԿ-ի կողմից, մնացած հինգը` ինքնաառաջադրման միջոցով:
Նշենք, որ մինչ այժմ առաջադրվել է ինը թեկնածու:
