Հինգ երկար տարիներ են հարկավոր եղել ապացուցելու համար, որ ավստրալուհին ֆինանսական փոխհատուցման է արժանի ապակե ջահի ընկնելու պատճառով նրա առողջությանը հասցված վնասի համար: Դեռ 2007թ-ին կնոջը աշխատանքային գործուղման են ուղարկել, և գործատուն վճարել է նրա Սիդնեյի հյուրանոցներից մեկի համարը, որտեղ էլ նրա վրա ջահ է ընկել: Երկրի աշխատանքային օրենսդրության համաձայն, ընկերությունը, որտեղ կինը աշխատում էր, պարտավոր է վճարել ոչ միայն հյուրանոցի, այլև այդպիսի չնախատեսված իրավիճակների համար: Եվ այդ գործը սովորական դատական գործ կլիներ, եթե ջահը ընկած չլիներ այն ժամանակ, երբ կինը որոշել էր սիրո բուռն գիշեր անցկացնել:
Հենց այդ պահն էլ դարձել էր ամենավիճելին հինգ երկար տարիների ընթացքում: Գործատուն հրաժարվել է փոխհատուցել նրա առողջությանը հասցված վնասի համար այն պատճառաբանությամբ, որ կինը զբաղվել է ոչ աշխատանքային գործերով: Տուժողի փաստաբանը պնդում է, որ ոչ մի տարբերություն չկա, վնասվել է կինը լոգանք ընդունելիս, թե սեքսով զբաղվելիս: Սկզբում դատարանը բռնել էր գործատուի կողմը և որոշել, որ սեքսով զբաղվելը «ստանդարտ դեպք» չի համարվում: Սակայն բողոքարկելուց հետո, դատարանը խոստովանել է, որ կինը զբաղել է «օրինական սեռական գործունեությամբ», և նրան պետք է փոխհատուցել: Այդ պատճառով էլ ագահ գործատուն պարտավոր է նյութապես փոխհատուցել: Սակայն գումարի չափը չի հրապարակվում:
