Երկրագնդի ամենաերկարակյաց մարդը` ճապոնացի Ձիռոեմոն Կիմուրան 2 անգամ հայտնվել է Գինեսի ռեկորդների գրքում: Առաջինը՝ որպես աշխարհում ամենատարեց մարդ և միևնույն ժամանակ ամենատարեց տղամարդ հիմա ապրողներից: Դեկտեմբերի կեսերին լրացել է նրա 115 տարին: Նա Գինեսի ռեկորդների գրքի հեղինակների հետ կիսվել է երկարակեցության գաղտնիքներով:
Ռեկորդակիրը ծնվել է 1897թ-ին: Նա 3 դարերի վկան է: Նրա աչքի առաջ է եղել մեքենայի հայտնագործումը, իսկ վերջերս ինտերնետի հայտնագործումը: Նա տեսել է բրիտանական 6 միապետությունների, Ճապոնիայի 5 գահակալների, ԱՄՆ 20 նախագահների, ինչպես նաև ռուսական հեղափոխությունն ու կոմունիստական կարգերի փլուզումը:
Տղամարդը 40 տարի փոստում է աշխատել: Իսկ թոշակի անցնելուց հետո մինչև 90 տարեկան զբաղվել է ֆերմերությամբ: Նա մեծ ընտանիք ունի` 7 երեխա, որոնցից 2-ն արդեն մահացել են, 14 թոռ, 25 ծոռ և 13 ծոռի երեխա:
Նա իր երկարակեցության գաղտնիքը չափավոր սնունդն է համարում: Նա ասել է, որ ընդամենը հարկավոր է չափավոր սնվել: Ինչպիսի համ էլ որ այն ունենա չպետք է տրվել գայթակղությանը:
Նախկին երկարակյաց ռեկորդակիր տղամարդը 14 տարի առաջ է մահացել 115 տարեկան 252 օրական հասակում:
