2012 թվականը ծանր տարի էր գյուղացու համար, հատկապես՝ Շիրակի գոտու կարտոֆիլագործների, հացազգի մշակող ֆերմերների համար: Նման գնահատական «Առաջին լրատվական»-ի հետ զրույցում տվեց Ագրարագյուղացիական միություն նախագահ Հրաչ Բերբերյանը: Ըստ նրա՝ պտղաբուծության համար տարին միանշանակ հաջող է եղել, հատկապես՝ ծիրանի, դեղձի մասով:
«Միջակ տարի եմ գնահատում ընդհանուր առմամբ: Եթե որոշակի հմտություններ, գործիքներ կիրառվեին, բնականաբար, կորուստները ավելի քիչ կլինեին»,- ասաց Բերբերյանը:
Հարցին, թե գյուղատնտեսության նախարարության աշխատանքը որքանով էր արդյունավետ, Բերբերյանը պատասխանեց. «Գյուղնախարարության աշխատանքը պետք է գնահատեն հանրապետության նախագահն ու վարչապետը: Իսկ մենք հունվարի 15-ին մեր տղամարդու խոսքը կասենք»:
