Հոնգ Կոնգում բացվել է աշխարհի ամենաբարձր հյուրանոցը: France Presse գործակալությունը, Ritz-Carlton հյուրանոցը զբաղեցնում է Քոուլուն թերակղզու վրա գտնվող Միջազգային առևտրական կենտրոնի 102-118-րդ հարկերը: Ընդ որում, շենքն ամենաբարձրն է քաղաքում, ունի 490 մետր բարձրություն: Այս մասին հաղորդում է France Presse գործակալությունը:
Հյուրանոցն ունի 312 համար: Հյուրանոցի տարածքում է գտնվում նաև աշխարհի ամենաբարձր բարը, սպա-կենտրոն, լողավազան և վեց ռեստորան: Հյուրանոցի համարներն էլ են լինելու աշխարհի ամենթանկերից մեկը: «Դելյուքս» դասի համարն արժենալու է 770 դոլար մեկ օրվա համար, իսկ ահա պրեզիդենտական «լյուքս» դասի սենյակը կարժենա հյուրերին 12.8 հազար դոլար:
Մինչ այս պահն աշխարհի ամենաբարձր հյուրանոցը Շանհայի Համաշխարհային ֆինանսական կենտրոնում գտնվող Park Hyatt-ն էր, որը 79-93 հարկերում է: Այս երկնաքերը ամենաբարձր շենքն է Չինաստանում: Իսկ աշխարհի ամենաբարձր հյուրանոցը, որի շենքն ամբողջությամբ օգտագործվում է հյուրանոցային նպատակներով, համարվում է Rose Rayhaan-ը, որը գտնվում է Դուբայում և ունի 333 մետր բարձրություն:
