Էկվադորի մայրաքաղաք Կիտոյից 110 կմ հարավ գտնվող Տունգուրահուա մարզում ավտոբուսը գլորվել է անդունդը, որի հետևանքով զովել է առնվազն 14 մարդ: Այս մասին հաղորդում է RIA Novosti-ն` վկայակոչելով Տունգուրահուայի նահանգապետ Լիրա Վիլյալբային:
Նրա խոսքերով՝ վթարը տեղի է ունեցել Պիլյարո և Ամբատո քաղաքների միջև գտնվող մայրուղու վրա: Ավտոբուսը, որում եղել է առնվազն 40 ուղևոր, շրջադարձի ժամանակ ընկել է 200 մ բարձրություն ունեցող անդունդը: Գտնվել է 14 մարդկանց աճյուն, այդ թվում՝ երկու երեխայի:
Նահանգապետը նշել է, որ դեպքի վայր են ժամանել 20 «շտապ օգնության» մեքենաներ, որոնք տեղի հիվանդանոց են տեղափոխել շուրջ 25 վիրավորների. նրանց մի մասը գտնվում է ծայրահեղ ծանր վիճակում:
Ոստիկանության նախնական տարբերակի համաձայն՝ ավտոբուսի վարորդը գերազանցել է արագությունը մայրուղու վտանգավոր հատվածում, ինչն էլ հանգեցրել է վթարի:
