Բրիտանական վերահսկիչ պալատը կստուգի BBC-ում աշխատանքից ազատումները։ Այս մասին գրում է The Daily Telegraph-ը: Ինչպես պարզվել է, անցած երեք տարիների ընթացքում այդ ընկերության բարձրաստիճան աշխատակիցները չափազանց բարձր փոխհատուցում են ստացել, որի ընդհանուր գումարը 2010-2011 թթ. 85 միլիոն ֆունտ (137 միլիոն դոլար) է կազմել։
Պարբերականի տվյալներով՝ BBC-ի 14 աշխատանքից հեռացած աշխատակիցներ 300 հազար ֆունտ (484 հազար դոլար), իսկ 194 աշխատակիցներ 100 հազար ֆունտ (161 հազար դոլար) են ստացել: Ամենամեծ փոխհատուցումը ստացել է BBC-ի գլխավոր խմբագրի տեղակալ Մարկ Բայֆորդը՝ 949 հազար ֆունտ (1,53 միլիոն դոլար):
BBC-ի աշխատակիցներին չափազանց բարձր գումարներ վճարելու վրա ուշադրություն էին դարձրել բրիտանական խորհրդարանի անդամները այն բանից հետո, երբ 2012 թ, նոյեմբերին կորպորացիայի գլխավոր տնօրենին 450 հազար ֆունտ (725 հազար դոլար) էին վճարել: Իսկ հետագայում BBC-ն խոստովանել էր, որ նրան երկու անգամ քիչ պետք է վճարեին:
Պատգամավորներից հետո այս գործով հետաքրքրվել են պետական աուդիտորները: Կորպորացիայի պաշտոնական ներկայացուցիչը պատրաստակամություն է հայտնել համագործակցել վերահսկիչ պալատի հետ՝ նշելով, որ աշխատանքից ազատվելիս բոլոր աշխատակիցները ստանում են իրենց աշխատանքային պայմանագրին համապատասխան վճարումները:
BBC-ի աշխատակիցների վճարումները նախկինում գրավել էին բրիտանական ԶԼՄ-ների ուշադրությունը: Այդ կապակցությամբ ընկերությունը բազմիցս քնադատությունների է արժանացել: Դա կապված է նրա հետ, որ BBC-ն ֆինանսավորվում է հարկատունեի կողմից և գովազդով եկամուտ չի ստանում:
