Մեծ Բրիտանիայի Քենթ կոմսության Հնագիտական դպրոցի ետնամասի այգում 2000 տարվա վաղեմության հռոմեական թատրոնի ավերակներ են հայտնաբերվել: Դպրոցի հիմնադիր Փոլ Ուիլկինսոնը վստահ է, որ սա հռոմեական առաջին թատրոնն է, որ հայտնաբերվել է Մեծ Բրիտանիայի տարածքում: Այս մասին գրում է The Daily Mail-ը:
Այն ունի ընդարձակ, գրեթե շրջանաձև նվագախմբային սրահ՝ նեղ բեմով: Սրահը նախատեսված է 12 հազար հանդիսականի համար: Ենթադրվում է, որ թատրոնն օգտագործվել է կրոնական նպատակներով:
Ուիլկինսոնը մտադիր է դիմել իշխանություններին՝ այն հնագույն հուշարձան ճանաչելու խնդրանքով: Նա վստահ է, որ թատրոնի ավերակները կարող են սրբավայր դառնալ հռոմեացիների համար:
Հայտնի է, որ նման թատրոնների թիվը Հյուսիսային Եվրոպայում 150-ն է, սակայն սա առաջին հայտնագործությունն է Մեծ Բրիտանիայում:
