Երգչուհի Լեդի Գագան հիանալի նվեր է պատրաստել իր երկրպագուների համար: Ինչպես հաղորդում է Filmpro-ն, երգչուհին Twitter-ի իր միկրոբլոգում գրել է, որ ռեժիսոր Թերի Ռիչարդսոնը փաստագրական նախագիծ է պատրաստում իր կյանքի, ստեղծագործության և ARTPOP ալբոմի ստեղծման մասին:
«Ուրախ Սուրբ Ծնունդ, փոքր հրեշներ: Թերի Ռիչարդսոնը պատրաստում է #LadyGagaMOVIE-ն`նկարահանելով իմ կյանքը, ARTPOP ալբոմի ստեղծումը և ձեզ: Շնորհակալություն, որ համբերատար սպասում եք իմ նոր ալբոմին: Հույս ունեմ այս նորությունը ձեզ ավելի կոգեշնչի: Սիրում եմ ձեզ ամբողջ սրտով»,- գրել է երգչուհին:
Նշենք, որ երգչուհին նախկինում ևս աշխատել է Ռիչարդսոնի հետ: Մասնավորապես, նրանք միասին թողարկել են Lady Gaga x Terry Richardson լուսանկարների գիրքը, որն իր մեջ պարունակում է երգչուհու ավելի քան 350 լուսանկար: Ռիչարդսոնը դրանք լուսանկարել է տասը ամսվա ընթացքում ինչպես բեմում, այնպես էլ կյանքում:
Լեդի Գագայի նոր ալբոմը թողարկվելու է 2013 թ. գարնանը:
