Հազարավոր բրիտանցիներ տարվա գլխավոր տոնը՝ Սուրբ Ծնունդը, դիմավորել են Միացյալ Թագավորության գետերում, ծովում և ջրամբարներում լողալով: Տոնը լողափին անցկացնել ցանկացողներին չեն խանգարել նաև երկրում վերջին օրերին գրանցված անձրևոտ եղանակն ու քամին: Այս մասին հայտնում է ITAR-TASS-ը:
Մի շարք շրջաններում բրիտանացի «մորժերի» ավանդական արարողության անցկացմանը խոչընդոտել են իշխանությունները: Անգլիայի հարավային Բրայթոն քաղաքի լողափը ողջ օրվա ընթացքում փակ է եղել, քանի որ քաղաքային վարչակազմում կարծում են, որ ծովի ալիքների բարձրությունը գերազանցում է լողալու համար թույլատրելի մակարդակը: Լողալու ավանդույթը ձևավորվել է քառորդ դար առաջ մի խումբ արկածախնդիրներից։
Նշենք, որ այս տարի Միացյալ Թագավորությունում ձմեռը մեղմ է: Դեկտեմբերի ընթացքում ջեմաստիճանը Լոնդոնում բարձրացել է մինչև 14 աստիճան տաքության:
