Անսովոր ֆլեշմոբը մեծաթիվ բողոքների պատճառ է դարձել Կալիֆոռնիայի գյուղական շրջանների բնակիչների շրջանում, որոնց վախեցնում են գիշերները փողոցով թափառող սարսափելի գունավորմամբ ծաղրածուներ: Ոստիկանությունը սպառնում է ձերբակալել կատակասերներին՝ չնայած այդ ակցիային վերաբերող հատուկ օրենք չկա, հայտնում է The Independent-ը:
Ամեն ինչ սկսվել է նրանից, որ Վասկո քաղաքից ծաղրածուն սկսել է համացանցում տեղադրել իր գիշերային նկարները՝ լղոզված գրիմով ու փուչիկները ձեռքին, ոչ մի չար մտադրություն չունենալով: «Սարսափելի» լուսանկարներն արագ տարածվել են:
The Independent-ը գրում է, որ նրան նկարում են նույնիսկ փոքրիկները մանկապարտեզում:
Սակայն ծաղրածուն մի շարք հետևորդներ ունի, որոնք սարսափ ֆիլմերից կերպարներով վախեցնում են անցորդներին: 1 օրում ոստիկանությունը նրանց նկատել է 16 անգամ: Շշուկներ կան, որ նրանցից մեկի մոտ կացին կա: Մյուսը, ճիշտ է՝ անզեն, բայց հետապնդել է դեռահասների խմբի, ինչի համար ձերբակալվել է:
«Մենք ուզում ենք վերջ տալ սրան և կձերբակալենք ում բռնենք»,- ասել է տեղի ոստիկանության սերժանտ Ջոզեֆ Գրաբսը:
