CNN-ը YouTube-ի իր ալիքում հրապարակել է Խաղաղության Նոբելյան մրցանակի արժանացած երիտասարդ պակիստանցի իրավապաշտպան Մալալա Յուսուֆզայի ամբողջական ելույթը՝ պարգևատրման առիթով:
17-ամյա Մալալան դարձել է ամենաերիտասարդը Խաղաղության Նոբելյան դափնեկիրների շարքում: Նա մրցանակի է արժանացել երիտասարդների իրավունքների խթանմանն ուղղված աշխատանքի համար:
Մալալան իր ելույթում նշել է, որ իր համար պատիվ է նման «թանկարժեք» մրցանակի արժանանալը: Նա ուրախ է, որ մենակ չէ երեխաների ու կանանց իրավունքների համար պայքարում: Մալալայի խոսքով՝ մրցանակի կիսումը պակիստանցի և հնդիկ իրավապաշպանների միջև փոխանցում է մարդկանց սիրո ու հարգանքի մեսիջ՝ անկախ նրանց դավանանքից ու լեզվից:
Նա շնորհակալություն է հայտնել իր հորից, որ նա չի կտրել իր թևերն ու թույլ է տվել թռչել՝ հասնելու իր նպատակներին:
