Amazon ինտերնետային ընկերությունը ԱՄՆ-ում բացել է երաժշտական նոր ծառայություն: Օն-լայն պահոցը ստացել է Cloud Drive անվանումը:
Այս ծառայութան օգնությամբ օգտատերերը կարող են կայքում ներբեռնել .MP3 և .AAC ֆորմատի երաժշտություն և օգտվել դրանցից տարբեր համակարգիչներից, ինչպես նաև սմարթֆոններից և պլանշետային համակարգիչներից, որոնք աշխատում են Android օպերացիոն համակարգով: Բացի երաժշտությունից, օգտատերերը կարող են կայքում տեղադրել նաև տեսանյութեր, նկարներ և փաստաթղթեր:
Amazon-ը բոլոր ցանկացողներին կտրամադրի 5Գբ հիշողություն: Դրանից հետո կայքից որևէ ալբոմ գնելու պարագայում այդ հիշողությունը կդառնա 20Գբ: Amazon-ը թույլ է տալու նաև գնել ավելի հիշողություն: 20Գբ-ի համար օգտատերերը կարող են վճարել 20 դոլար և մեծացնել իրենց էջի հիշողությունը:
Երաժշտությունը կարելի է լսել բոլոր հայտնի` Internet Explorer, Firefox և Google Chrome բրաուզերների օգնությամբ: Միևնույն ժամանակ Cloud Drive հասանելի է լինելու OC Windows և Mac OS X օպերացիոն համակարգերից օգտվողներին: Վերջիններս կարող են աշխատել Amazon համակարգում Safari բրաուզերի օգնությամբ:
Հիշեցնենք, որ Amazon-ը ԱՄՆ-ի խոշորագույն ինտերնետ-խանութներից է: