ԱՄՆ-ում Այդահո և Վաշինգտոն նահանգների սահմանին թեմատիկական զոմբի Zombie Slayer Paintball Bus ատրակցիոնի ժամանակ զոհվել է 18-ամյա մի դեռահաս՝ հաղորդում է Reuters գործակալությունը:
Երիտասարդը զոմբիի դեր է կատարել և պետք է վազեր ավտոբուսի հետևից, իսկ ուղևորները պետք է կրակեին նրա ու այլ զոմբիների ուղղությամբ խաղալիք գնդիկները: Սակայն երբ երիտասարդը վազել է դեպի ավտոբուսը, նա ընկել ու հայտնվել անիվների տակ: Խաղի մասնակիցները սկզբում կարծել են, որ այդպես է մտածվել սցենարով: Երբ մի քանի րոպե տղան անշարժ պառկած է մնացել, բոլորը հասկացել են, թե ինչ է տեղի ունեցել: Դեպքի վայր շտապ օգնություն և ոստիկանություն է հրավիրվել:
Ատրակցիոնը գործի է դրվել մեկ շաբաթ առաջ, իսկ հիմա ժամանակավորապես չի գործում:
