Սմարթֆոնները, որոնցից մեր ժամանակներում կարդիկ չեն բաժանվում նույնիսկ ննջասենյակում, կարող են ավելորդ քաշի պատճառ դառնալ, զգուշացնում են գիտնականները:
Նրանց խոսքերով՝ մարդու օրգանիզմը մարսողական համակարգը կարգավորող հորմոնների անհրաժեշտ քանակ ապահովելու համար լիակատար մթության կարիք ունի: Դա նշանակում է, որ նույնիսկ փողոցային լուսավորությունը կարող է խանգարել մելատոնինի արտազատմանը և սննդի մասողությանը:
Սակայն գիտնականները պնդում են, որ կարճալիք կապույտ լույսը, որն արձակում են որոշ գաջեթներ, առավել քայլքայիչ է քնի համար:
Չնայած այս լույսը բավական վառ չէ, որպեսզի լուսավորի ամբողջ սենյակը, այն ամեն դեպքում կարող է վնասել մարդու օրգանիզմը, պնդում են Իսպանիայի Գրանադայի համալսարանի գիտնականները:
Երբ քունը կրճատվում է կամ այդ ժամանակ մարդը գտնվում է կապույտ լույսի ազդեցության տակ, դա կարող է հանգեցնել նաև նյութափոխանակության խաթարմանը: Կապույտ լույսը ամենավտանգավորն է, քանի որ այն մարդու ուղեղին խանգարում է «անջատվել», ավելացնում են գիտնականները:
