«2008թ. փետրվարի նախագահական ընտրություններից հետո Ազատության հրապարակում ընթացող բազմահազարանոց շուրջօրյա հանրահավաքներում ընտրությունների արդյունքներից դժգոհ հասարակության առջև ելույթ ունենալիս Հայաստանի առաջին նախագահ, նախագահի թեկնածու Լևոն Տեր-Պետրոսյանը արդյոք շրջանցո՞ւմ էր գերտերությունների հնարավոր արձագանքը, նրանցից ակնկալվող գնահատականները: Եվ առհասարակ` այդ շրջանում հզոր Շարժումը ղեկավարելով` արդյոք Լևոն Տեր-Պետրոսյանը գերտերություններից ազդանշաններ չէ՞ր սպասում…»,- հարցադրում է անում «Առավոտ»-ը և պատասխանում.
«Միանշանակ` այո, սպասում էր: Հետևաբար հարց է ծագում` ինչո՞ւ շաբաթ օրը կայացած ՀՀՇ համագումարում ելույթ ունենալով` Լ. Տեր-Պետրոսյանը որոշեց բացատրել, թե որքան վտանգավոր է, երբ առաջնորդները սպասում են գերտերությունների որոշումներին»:
