Nokia ընկերությունը թողարկել է երկար սպասված նավիգացիոն HERE հավելվածը՝ Android ՕՀ-ով աշխատող սմարթֆոնների ու պլանշետների համար: Google Maps-ի այլընտրանքը, սակայն, տարածվում է որպես բետա տաբերակ և դեռևս հասանելի է միայն Samsung-ի սարքերին: Այս մասին հայտնում է Vesti-ն:
Nokia-ի և Samsung-ի համագործակցությունը շահավետ է երկու կողմերի համար էլ: Կորեական ընկերությունը ստացել է հնարավորություն՝ նվազեցնելու իր կախվածությունը Google-ի ծառայություններից, իսկ Nokia-ն կարող է մեծացնել շուկայական մասնաբաժինը այլ ՕՀ-ների հաշվին՝ ազատվելով Windows Phone ՕՀ-ի պարտադրված կիրառումից:
HERE քարտեզները ներառում են ավելի քան 100 երկրների համար օֆլայն ռեժիմ, քայլ առ քայլ ձայնային ցուցումներ՝ վարորդների ու հետիոտների համար, հասարակական տրանսպորտի երթուղիների քարտեզներ:
Սպասվում է, որ մինչև տարեվերջ HERE-ը կհայտնվի iPhone-ների համար, ինչպես նաև այլ արտադրողների Android-սարքերի:
