Հանրահայտ մարդիկ՝ երաժիշտները, դերասանները և այլ ոլորտի գործիչներ իրենց ջանքերն են միավորել զենքի գործադրմամբ բռնության դադարեցման ծրագրի շրջանակում:
«Որքա՞ն դպրոցներ կան, որքա՞ն դասարաններ կան, որքա՞ն կինոթատրոններ կան, որքա՞ն առևտրի կենտրոններ կան: Որքա՞ն կարող է շարունակվել»: Նրանց հռետորական հարցերը հաջորդում են միմյանց: Նրանք` որպես մայր, որպես հայր, ամուսին և կին, պահանջում են դադարեցնել զենքի կիրառմամբ բռնությունները:
Հայտնի աստղերի մասնակցությամբ տեսանյութն ազդեցիկ կոչ է՝ ուղղված ԱՄՆ նախագահ Բարաք Օբամային և Կոնգրեսին:
Նշենք, որ տեսահոլովակի թողարկման հիմքում դեկտեմբերի 20-ին Նյութաուն քաղաքի Սենդի Հուք դպրոցում տեղի ունեցած հրաձգությունն էր, որը 26 մարդու կյանք խլեց:
YouTube վիդեոհոսթինգում 3 օր առաջ հայտնված տեսանյութի դիտումների քանակն արդեն գերազանցում է 3.5 միլիոնը: