Համաձայն նորագույն ուսումնասիրությունների`մարդկանց մեծամասնությունն ապրում է տվյալ երկրում «բաժակը կիսով չափ լիքն է» սկզբունքով, գրում է Raut-ը: Սակայն մոլորակի վրա գոյություն ունեն այնպիսի վայրեր, որտեղ մարդիկ հակված են ավելի շատ քննարկել «բաժակը կիսով չափ դատարկ է» տարբերակը: Ըստ արված հարցումների`ամբողջ աշխարհում հասուն մարդկանց 85 տոկոսը զգում է, որ իրնեց հարգանքով են վերաբերվում, 72 տոկոսը հայտնել է, որ նախորդ օրը նրանք ծիծաղել կամ ժպտացել են: Միայն 43 տոկոսն է ասել, որ նրանք որևէ նոր բան են իմացել կամ արել նախորդ օրվա ընթացքում:
Ամենատխուր և քիչ հուզականությամբ երկիրը Սինգապուրն է: Չնայած, որ այստեղ ՀՆԱ մակարդակը բարձր է`միևնույն է. այս երկրում մարդիկ ամենաքիչն ունեն դրական զգացողություններ:
Սինգապուրին հաջորդում է Հայաստանը`49 տոկոս, Իրաքը` 50 տոկոս, Վրաստանը, Եմենը և Սերբիան`յուրաքանչյուրը` 52 տոկոս, Բելառուսը`53 տոկոս, Լիտվան և Մադագասկարը` 54 տոկոս, ինչպես նաև Ադրբեջանը, Աֆղանստանը, Հայիթին, Տոգոն և Մակեդոնիան`յուրաքանչյուրը 55 տոկոս: Դա նշանակում է, որ շատ երկրներում մարդիկ իրենց երջանիկ չեն զգում: Պատճառները տարբեր են` սկսած ցածր կենսամակարդակից վերջացրած տնտեսական ցածր ցուցանիշներով:
