ermenihaber.am կայքի փոխանցմամբ, Թուրքիայի արտգործնախարար Ահմեդ Դավութօղլուն մասնակցել է Մեծ Բրիտանիայի արտգործնախարարությանը կից Wilton Park ուղեղային կենտրոնի կազմակերպած «Մերօրյա աշխարհում Թուրքիայի ընդլայնված քաղաքականություն» խորագրով կոնֆերանսին:
Իր ելույթում Դավութօղլուն ընդգծել է, որ Թուրքան ջանքեր է գործադրում բարեկամական ու ջերմ հարևանական հարաբերություններով լի տարածաշրջան ստեղծելու համար, որում հարևան երկրներն ինտեգրված կլինեն միմյանց.
«Թուրքիայի արտաքին քաղաքականությունում առկա են 2 խումբ երկրներ: Հիմա բոլորը կկարծեն, թե դրանցից մեկը մեր թշնամիներն են, իսկ մյուսը` բարեկամները:
Սակայն ես կասեմ, որ այդ երկու խմբերից մեկը մեր բարեկամներն են, իսկ երկրորդ խումբը` պոտենցիալ բարեկամները:
Մեր բոլոր հարևանները մեր բարեկամներն ու ընկերներն են: Հայաստանը մտնում է մեր պոտենցիալ բարեկամների մեջ»: