Կյանքի առաջին ամիսներին, երբ երեխաները նոր են սկսում տարբերել հնչյունները, որոնցից կազմված են աշխարհի բոլոր լեզուները, նրանք կարող են սովորել առավել արդյունավետորեն ճանաչել, թե որ հնչյունները կարող են կազմել մայրենի լեզուն: Դա արագացնում է ուղեղի զարգացումը, որը վճռորոշ նշանակություն ունի հետագա ուսուցման համար: Այս մասին գրում է Vesti-ն:
Հետազոտությունը, որն անցկացրել են Էյփրիլ Բինեսիչը և Ռատգերսի համալսարանի նրա գործընկերները, ցույց է տվել, որ 4-ամսական երեխաները սովորում են ուշադրություն դարձնել ոչ լեզվական աուդիոձայնագրությունների բարդացող մոդելներին՝ աչքերի շարժումներով ցույց տալով, որ փոփոխություն են նկատել:
7-ամսական երեխաների ուղեղի սքանավորումը ցույց է տվել, որ նրանք ավելի արագ և հստակ են հայտնաբերում լեզվի համար կարևոր հնչյունները, քան այն երեխաները, ովքեր չեն լսել տարբեր հնչյունային մոդելներ:
4-7 ամսականում նրանք ստեղծում են իրենց նախնական լեզվաբանական ակուստիկ քարտեզը:
Ակուստիկ քարտեզները ցույց են տալիս ուղեղի բջիջների միջև փոխադարձ կապերը, որոնք երեխայի ուղեղը ձևավորում է՝ թույլ տալով նրան ապակոդավորել լեզուն արագ և ավտոմատ կերպով: Լավ ձևավորված քարտեզները թույլ են տալիս արագ և հստակ յուրացել լեզուն հետագայում:
Լեզվական ազդանշանների հանդեպ երեխայի արձագանքը կարելի է համեմատել այն բանի հետ, թե ինչպես է մեծահասակն ավտոմեքենա վարում: