Այսօր Կենտրոնական ընտրական հանձնաժողովի նախագահ Գարեգին Ազարյանից տեղեկացանք, որ Գեղարքունիքի մարզի Դարանակ գյուղում հանրապետական Վահան Մարգարյանը ընտրողների կողմից ստացել է 39 ձայն, Գյուլնազ Գրիգորյանը 20, իսկ նախկին գյուղապետ Վլադիմիր Սարկիսյանը՝ 35 ձայն։
Գարեգին Ազարյանին փոխանցեցինք, որ Վլադիմիր Սարկիսյանը բողոքարկել է ընտրությունների ընթացքը, քանի որ ընտրողները քվեարկել են գունավոր գրիչներով, և հետաքրքրվեցինք, թե արդյոք սա կարո՞ղ է հիմք հանդիսանալ, որ կրկին ընտրություններ անցկացվեն։
Սրան Գարեգին Ազարյանը արձագանքեց. «ՀՀ քաղաքացին ազատ է, և Ընտրական օրենսգիրքը չի ասում, թե ինչ գույնի գրիչով պետք է քվեարկի»։