ՀՀՇ վարչության անդամ Հովհաննես Իգիթյանը արտերկրից վերադարձել է, որ այսօր մասնակցի ՀՀՇ համագումարին: Վերջինս տեղյակ չէ, թե քաղաքական որ ուժերն են հրավիրվել այսօրվա համագումարին և ինչու «Հանրապետություն» կուսակցությունն իրենց չէր հրավիրել իր համագումարին: «Առաջին լրատվական»-ի հարցին ի պատասխան նա ասաց. «Այդ հարցը ինձ ընդհանրապես չի հետաքրքրում: Դա այնքան մանր հարց եմ համարում այս քաղաքականության մեջ: Ընդհանրապես, ով ում հրավիրել է, չի հրավիրել` ես գտնում եմ ածանցյալ, ինչ-որ մի հատ փոքրիկ բան: Կարծում եմ` ճիշտ է, որ բոլորին էլ հրավիրեն: Այսօր համակարգն է իրեն վերարտադրում և դա անում է 100 տոկոսով, և քաղաքական ուժերը պետք է նստեն, մտածեն, հասարակությունն ինչ դեր պետք է ունենա այստեղ: Հաշտվի՞ այդ իրավիճակի հետ, թե՞ շարունակեն պայքարել»,- ասաց արտերկրից վերադարձած ՀՀՇ-ական գործիչը:
