Կալիֆոռնիայում կինը տունը զարդարել է բազմաթիվ զարդերով, որոնց ընդհանուր արժեքը կազմում է 50հզ դոլար: Ջեն Ստյուարտը՝ այն տան սեփականատերը, որը զարդարված է ընդհանուր առմամբ 65.600 լույսեր ունեցող զարդերով, տունը զարդարել է ի հիշատակ հանգուցյալ ամուսնու:
Նախագծի դիզայներ Դամիոն Ռոդրիգեսն այն ստեղծել է 650 ժամում՝ հաղորդում է Yoki-ն:
Վառ լույսերը դիտելու են գալիս հարյուրավոր բնակիչներ, սակայն շատերը դժգոհում են՝ նշելով, որ դրանք հարմար կլինեին կազինոյի համար:
Բացի այդ՝ մարդկանց մեծ հոսք է առաջացել այդ տան մոտ, քանի որ շատերն են ցանկանում տեսնել այն:
Աղմուկի մեղավորը հայտնել է, որ իր ամուսին Լարին էր ցանկանում նմանատիպ մի բան անել: «Նա անընդհատ ասում էր՝ մենք անպայման այսպիսի լույսեր կունենանք: Բայց այդպես էլ ոչինչ չարեց: Մայիսի 15-ին նա քաղցկեղից մահացավ»,- ասել է նա:
