Սեր խաղալը աստղերի համար սովորական երևույթ է: Ներկայացնում ենք տարվա լավագույն ռոմանտիկ կինոդերերը:
Ջորդ և Պեպպի՝ «Արտիստ»
Այս զույգը, ինչպես նաև ամբողջ ֆիլմը, արդեն մեծ աղմուկ են բարձրացրել: Եվ այդ ամենը՝ ոչ մի բառ չարտաբերելով: Դերասանը համր կինոյի գերաստղ է, իսկ դերասանուհին նոր սերնդի կինոյի ծագող աստղ: Դրամա, ծիծաղ, արցունքներ՝ այս դասական պատմության մեջ ամեն ինչ կա, այդ թվում նաև փառահեղ երաժշտական ավարտը:
Մայքլ և Լիսբերթ՝ «Վիշապի դաջվածքով աղջիկը»
Այս երկու կերպարի միջև ո՛չ սեր է, ո՛չ էլ ընկերություն: Նրանց հարաբերությունները առհասարակ դժվար է նկարագրել, սակայն ուշադրության անկասկած նրանք արժանի են:
Լեո և Փեյջ՝ «Երդում»
Դժվար է նույնիսկ պատկերացնել, որ այդպես լինում է իրական կյանքում: Վթարից հետո Փեյջը հիշել է ամեն ինչ, բացի նրանից, որ ամուսնացած է Լեոյի հետ: Փեյջը ամուսնուն այդպես էլ չի հիշում, բայց դա ամենևին էլ չի խանգարում նրանց վերամիավորվելուն:
Էդվարդ և Բելա՝ «Մթնշաղ: Սագա: Լուսաբաց: Մաս 2»
Երկար ժամանակ մենք հետևում էինք իր ուժերին անվստահ աշակերտուհու և գեղեցիկ վամպիրի սիրավեպին: Ֆիլմի վերջին մասում նրանք արդեն հանդես են գալիս որպես ամուսնական զույգ:
Բեթմեն և Կատու-կին՝ «Սև ասպետ. Լեգենդի վերադարձը»
Երբեմն գերհերոսները միավորվում են՝ կազմելով գեղեցիկ զույգեր: Գերհերոսներից մեկը պայքարում է հանցագործության դեմ թևերի շնորհիվ և գերժամանակակից գաջեթների օգնությամբ, իսկ մյուսը կիրառում է միայն ճկունությունը, խորամանկությունը և կանացի հմայքը: Հայտնի չէ, թե ում զենքերն են ավելի ուժեղ:
Փիթեր և Գվեն՝ «Նոր սարդ-մարդը»
Սարդ-մարդու ձևափոխումը չէր կարող անտեսանելի լինել:
Պիտ և Քիտնիսս՝ «Սոված խաղեր»
Այս երկու կերպարի սիրավեպը սկսվեց, որովհետև դա պահանջում էր շոուն: Նրանցից մեկը պետք է հաղթեր: Չնայած Քիտնիսին իր քաղաքում արդեն սպասում էր իր ընկերը, սակայն ժողովուրդը տեսարան էր պահանջում և դա շոուում մնալու ելքն էր:
Ադամ և Իդեն՝ «Զուգահեռ աշխարհներ»
Գրեթե Ռոմեոյի և Ջուլիետի պատմությունն է, սակայն գիտաֆանտաստիկ մեկնաբանությամբ: Տղան ապրում է մի աշխարհում, աղջիկը մեկ այլ: Այդ աշխարհները գոյություն ունեն զուգահեռ, սակայն տեղափոխվել դրանցից մեկը անհնար է: Նույնիսկ համբույրներն են գլխիվայր տեղի ունենում:
Ֆրանկլին և Լորեն՝ «Նշանակում է պատերազմ»
Ընդհանուր առմամբ այս ֆիլմում գլխավոր դերերում ոչ թե զույգն է, այլ եռյակը:
Լոգան և Բեթ՝ «Հաջողակը»
Լոգանի թալիսմանը, Իրաքում ծառայության ժամանակ, անծանոթ աղջկա լուսանկարն էր: Վերադառնալով ծառայությունից՝ նա որոշում է գտնել նրան: Շատ ռոմանտիկ պատմություն է:
Թոմ և Վիոլեթ՝ «Մի քիչ ամուսնացած»
Ռոմանտիկան կարող է նաև ծիծաղելի լինել: Ինչպես այս հերոսների դեպքում: Տղան մեծ է ու լավն է, իսկ աղջիկը՝ նուրբ և լուրջ: Նրանք որոշում են ամուսնանալ և նույնիսկ նշում են նշանադրությունը, բայց ինչ-որ բան նրանց անընդհատ խանգարում է և այդպես մի քանի տարի շարունակ:
Նիկիտա և Վերա՝ «Առաջին 8 ժամադրությունները»
Որտեղ էլ որ քնեն գլխավոր հերոսները՝ նրանք ամեն օր միասին են արթնանում և անծանոթ վայրում:
Սերգեյ և Մարինա՝ «Ջունգլի»
Սերգեյ Սվետլակովի և Վերա Բրեժնևայի կերպարները ցույց են տալիս այն ամենը, ինչի ընդունակ են, երբ ընկնում են անմարդաբնակ կղզի:
Սոլալ և Արիանա՝ «Սիրահարվածները»
Օտարերկրյա պաշտոնյան տեղափոխվում է Մոսկվա և սիրահարվում ամուսնացած արիստոկրատ մի կնոջ:
Արտյոմ և Իրինա՝ «Սեր շեշտադրմամբ»
Սվետլանա Բոնդարչուկը և Ֆիլիպ Յանկովսկին մարմնավորել են մի զույգի, որոնք ընտանեկան կյանքում տարաձայնություններ ունեն: Աշխատանքի բերմամբ նրանք մեկնում են Վրաստան: Սարերը, մաքուր աշխատանքը և իհարկե սերը նրանց կրկին միմյանց մոտ կբերեն:
