Համացանցում հայտնվել է տեսանյութ, որում հոնկոնգցի երիտասարդ աղջիկը պատմում է ոստիկանության գործողությունների մասին:
Նրա խոսքով՝ վաղ առավոտյան իր նման հազարավոր երիտասարդ հոնկոնգցիներ խաղաղ նստած էին կառավարության տան մոտ՝ պահանջելով իրական ժողովրդավարություն և ընտրական համակարգի բարեփոխում: Սակայն առանց պահանջին պատասխանելու՝ կառավարությունը զինված ոստիկանների է ուղարկել՝ ցրելու խաղաղ ցույցը: Նրանց դեմ արցունքաբեր և պղպեղի գազ է կիրառվել:
Նա խնդրել է բոլորին տարածել տեսանյութը, որպեսզի ողջ աշխարհն իմանա, թե ինչ է կատարվում Հոնկոնգում:
