Սույն թվականի հուլիսի 16-ին ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԻ կողմից թողարկվել էր American Express վճարային համակարգի թվով երրորդ քարտը՝ American Express Cashback-ը:
American Express Cashback -ի թողարկման կապակցությամբ ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԸ հայտարարել էր «Cashback Quest» մրցույթ, որին կարող էին մասնակցել 18 տարին լրացած, ՀՀ քաղաքացի հանդիսացող բոլոր ցանկացողները: Մրցույթին մասնակցելու համար հարկավոր էր նախապես` օգոստոսի 25-ից մինչև սեպտեմբերի 22-ը, առցանց գրանցվել մրցույթի պաշտոնական կայքում՝ www.cashbackcard.am և ձեռք բերել American Express Cashback Քարտ:
Սեպտեմբերի 28-ին ժամը 16:00-ին բանկի §Արմենիա¦ մասնաճյուղում (Վազգեն Սարգսյան փ., 10) տեղի կունենա «Cashback Quest» մրցույթի մեկնարկը, որի ընթացքում մրցույթի մասնակիցներին կհանձնվեն մասնակցության փաթեթները և կտրվի մրցույթի առաջին առաջադրանքը:
Մասնակիցների փաթեթում ներառված են www.cashbackcard.am կայք մուտք գործելու համար անհրաժեշտ տվյալները և հատուկ վերնաշապիկներ, որոնց կրելը պարտադիր է լինելու մրցույթի որոշ առաջադրանքների կատարման ընթացքում:
Գրանցման պահից հետո գրեթե յուրաքանչյուր օր մրցույթի մասնակիցներին առաջարկվելու է կատարել տարբեր առաջադրանքներ և պատասխանել տարաբնույթ ոլորտների առնչվող հարցերին: Հարցերը և առաջադրանքները տեղադրված կլինեն www.cashbackcard.am կայքում և հասանելի կլինեն միայն մրցույթի մասնակիցներին:
Մրցույթի առաջադրաքները ճիշտ կատարելու դեպքում մասնակիցները ստանալու են նախապես սահմանված միավորներ:
«Cashback Quest»-ի ընթացքում առավել շատ միավոր կուտակած մասնակիցը կճանաչվի հաղթող և կարժանանա մրցույթի գլխավոր մրցանակին՝ 1 500 000 ՀՀ դրամին: Հաղթողին կուտակած միավորների քանակով հաջորդող 10 մասնակիցներից յուրաքանչյուրը կպարգևատրվի 150 000 ՀՀ դրամով:
American Express Cashback քարտի մասին
American Express Cashback Քարտի հնարավորություններն առավել շահավետ են դարձնում քարտով ամենօրյա անկանխիկ գնումները`տրամադրելով 1% CASHBACK Հայաստանում կատարված բոլոր վճարային գործարքների դիմաց և 2% CASHBACK հայաստանյան մի շարք հայտնի սուպերմարկետներում:
ԱԿԲԱ-ԿՐԵԴԻՏ ԱԳՐԻԿՈԼ Բանկի գործող Visa Electron, Maestro կամ ArCa քարտ ունեցող հաճախորդները կարող են արտոնյալ պայմաններով իրենց գործող քարտերին կցել American Express Cashback Քարտ՝ հնարավորություն ստանալով օգտվել Քարտի ընձեռած առավելություններից:
American Express Cashback Քարտը Հայաստանում American Express ապրանքանիշի առաջին քարտն է, որը կարող է տրամադրվել առանց վարկային գծի:
Կախված հաճախորդի ֆինանսական պահանջներից՝ American Express Cashback Քարտի համար դիմելիս հաճախորդը կարող է ընտրություն կատարել՝ քարտը օգտագործել իր միջոցները ուղղակի տնօրինելու համար կամ ընտրել օվերդրաֆտի ստացման հնարավորություն ընձեռող Քարտ: American Express Cashback Քարտատերերը կարող են օգտվել American Express Selects միջազգային համակարգի հատուկ առաջարկներից ինչպես Հայաստանում, այնպես էլ արտերկրում: American Express Cashback քարտը տրամադրվում է ինչպես հայկական դրամով, այնպես էլ եվրոյով և ԱՄՆ դոլարով: American Express Cashback Քարտի տարեկան սպասարկման միջնորդավճարը կազմում է 6 000 ՀՀ դրամ:
ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԻ American Express Cashback Քարտ ձեռք բերելու համար կարելի է դիմել Բանկի ցանկացած մասնաճյուղ կամ լրացնել online դիմում այստեղ:
