Google ընկերությունը հրապարակել է 2012 թ. YouTube-ում տեղակայված տասը ամենահայտնի թրեյլերները: Առաջինը Քրիսթոֆեր Նոլանի «Սև ասպետ. լեգենդի վերածնունդը» ֆիլմի թրեյլերն է, որը հավաքել է ավելի քան 26 մլն դիտում: Այն վարկանիշային աղյուսակում շրջանցել է «Սքայֆոլ»-ի, «Երրորդն ավելորդ է» և «Սոված խաղեր» ֆիլմերի թրեյլերներին,- հաղորդում է Lenta գործակալությունը:
Բեթմենի արկածների մասին ֆիլմի տեսանյութը բացարձակ առաջատար չի դարձել. ընդհանուր հաշվարկով այն իր տեղը զիջել է Call of Duty: Black Ops 2 տեսախաղի երկու թրեյլերին: Խաղի մյուս երկու թրեյլերները եզրափակում են 2012թ. UouTube-ի ամենահայտնի պրոմո-տեսանյութերի տասնյակը:
Միակ հեռուստաշոուն, որի պրոմո-տեսանյութը հայտնվել է այս վարկանիշում, «Հեղափոխություն» սերիալն է: Թրեյլերը յոթերորդ տեղում է ինը միլիոն դիտումներով: Ոչ մի անիմացիոն ֆիլմ առաջին տասնյակում չի հայտնվել: Ընդհանուր առմամբ, բոլոր տասը հոլովակները դիտել է ավելի քան 170 մլն մարդ:
