Վրացական «Ռեզոնանսի» թերթին տված հարցազրույցի ժամանակ Վրաստանի վարչապետ Բիձինա Իվանիշվիլին հայտարարել է, որ Վրաստանի խորհրդարանական մեծամասնությունը («Վրացական երազանք» դաշինք) աշխատում է պետծառայողներին համաներելու նախագծի վրա.
«Տվյալ նախաձեռնության վրա աշխատում է խորհրդարանի խոսնակ Դավիթ Ուսուպաշվիլին, սակայն այդ օրինագիծը չի ենթադրում պատգամավորների ու նախարարների մակարդակով կատարված հանցանքների ներում: Ելքը դրանումն է, ես այլ ելք չեմ տեսնում:
Մեր կողմից աշխատում է Ուսուպաշվիլին, որ ստեղծի նմանատիպ համաներման պես մի բան, որպեսզի գտնի օրինական ուղին և նախապես ների պետծառայողների իրականացրած չարաշահումները (ոչ պատգամավորների ու նախարարների մակարդակով), որպեսզի հանդարտվի այս իրավիճակը, նրանք կորցնեն վախի զգացողութունը և կարողանան նորմալ աշխատել»:
