Մադրիդի «Ռեալ»-ի դարպասապահ Իկեր Կասիլյասը գովեստի խոսքեր է հղել իր թիմակից Կեյլոր Նավասին: «Արքայական ակումբ»-ի ավագը նշել է, որ կոստառիկացի դարպասապահն արժանի է խաղաժամանակ ստանալ «Ռեալ»-ի կազմում:
«Կեյլորը շատ լավ է աշխատում, նա իրավունք ունի և արժանի է խաղադաշտ դուրս գալ: Իհարկե, թիմի հիմնական կազմի վերաբերյալ որոշումը կայացնում է գլխավոր մարզիչ Կարլո Անչելոտին: Ես հարգում եմ նրա որոշումները և աշխատում եմ, ինչպես բոլորը: Այժմ չի կարելի թուլանալ»,- Կասիլյասի խոսքերը մեջբերում է Marca-ն:
Հիշեցնենք, որ Նավասը «Ռեալ»-ի մեկնարկային կամում խաղադաշտ է դուրս եկել Իսպանիայի առաջնության ընթացիկ մրցաշրջանի 5-րդ տուրի շրջանակներում «Էլչե»-ի դեմ կայացած խաղում, որն ավարտվել է «Արքայական ակումբ»-ի հաղթանակով 5:1 հաշվով:
