ՀՀ ԱԺ պատվիրակության պաշտոնական այցը Չեխիա բավական արդյունավետ էր. ՀՀ արտաքին քաղաքական օրակարգի բոլոր հարցերը բարձրացվել և ընթացք են ստացել՝ Հայոց ցեղասպանության ճանաչում, Արցախյան հարցի հայանպաստ լուծում, այլատյացութան դեմ պայքար: Լրագրողների հետ հանդիպմանն ասաց ԱԺ փոխնախագահ, պատվիրակության ղեկավար Էդուարդ Շարմազանովը:
Բոլոր պաշտոնական հանդիպումներում բարձրաձայնվել է նաև այն հարցը, որ օրեր առաջ Սիրիայում պայթեցվել է Սրբոց Նահատակաց եկեղեցին, որից հետո անմիջապես եղել է Չեխիայի հոգևոր առաջնորդի դատապարտումը: Այդ բարբարոսությունը խստագույնս դատապարտել են նաև Սենատի անդամները:
Հայոց ցեղասպանության ճանաչման գործընթացին ևս անդրադարձումներ են եղել: «Չեխիայում այս հարցը գրեթե եղել է տաբու, մինչդեռ դեսպան Տիգրան Սեյրանյանի և պատվիրակության աշխատանքների արդյունքում արդեն իսկ ձեռք է բերվել համաձայնություն, որ Սենատում պատգամավորների բազմաթիվ գործընկերներ պատրաստ են հարցը բարձրացնել պատգամավորների պալատում»,- ասաց ԱԺ փոխնախագահը՝ հավելելով, որ ապրիլի 23-24-ը նախատեսված «Ընդդեմ ցեղասպանության» միջազգային համաժողովին չեխ գործընկերներին հրավիրել են Երևան, և նրանք նշել են, որ համաժողովին մասնակցելուց զատ նաև կայցելեն հուշահամալիր:
Ինչ վերաբերում է ԼՂ հիմնահարցին, ապա բոլոր ատյաններում չեխ պաշտոնյաները հայ գործընկերների հետ համաձայնել են, որ հարցի լուծման ճանապարհը խաղաղ կարգավորումն է Մինսկի խմբի համանախագահների ձևաչափում:
ՀՅԴ պատգամավոր Արծվիկ Մինասյանն է իր հերթին հավելեց, որ սա այն հազվագյուտ դեպքերից է, որ արդյունքը հսկայական է և տեսանելի: Նա նաև անդրադարձավ դեսպանի աշխատանքներին. «Դեսպանի աշխատանքը համարոմ եմ էտալոնային. իմ տեսած, շփված լավագույն օրինակն է»:
Չեխիայում այցի ընթացքում քննարկումներ են եղել նաև ներդրումների առումով:
Լուսանկարը՝ Photolure-ի
