50-ամյա ամերիկուհի Քիմ Բելլը որոշել է աշխարհին պատմել Բրեդ Փիթի հետ իր դպրոցական սիրավեպի մասին: Ապագա հայտնի դերասանը և աղջիկը հանդիպել են Kickapoo դպրոցում, ուսումնառության տարիներին, գրում է Mail Online-ը:
«Բրեդը շատ բարի և լավ տղա էր, առաջնորդի հատկություններ ուներ: Ընկերներն ու մտերիմները միշտ էլ հավատում էին, որ Բրեդը կյանքում շատ բանի կհասնի: Նա մեր դպրոցի բոլոր աղջիկների երազանքն էր, և ես ուրախ եմ, որ վերջիվերջո գտավ իր ուղին և իր իսկական սերը»,- խոստովանել է Քիմը պարբերականին տված հարցազրույցում:
Սակայն Բելը լռել է այն մասին, թե ինչու է 15-ամյա Փիթը որոշել բաժանվել նրանից: Նրանց բաժանումից անմիջապես հետո Բելը տարվել է դպրոցի մարզիչ Գովարդ Բելլով, իսկ Բրեդը սիրավեպ է սկսել մեկ այլ աշակերտուհու հետ:
Քիմ Բելը չի զղջում սուպերաստղից բաժանվելու համար և նրան ամենայն բարիք է մաղթում:
