Նոր կառավարությունը փորձում է իրեն ենթարկել դատական համակարգը, որպեսզի կործանի պետական հաստատությունները, հայտարարել է Վրաստանի նախագահ Միխեիլ Սաակաշվիլին։
Ըստ նրա՝ կառավարությունն աշխատում է ձևավորել Արդարադատության խորհուրդ, որը դատական համակարգը իրեն ենթարկելու նպատակ ունի։
Նախագահը հայտարարել է՝ եթե խորհրդարանը հաստատի այդ օրինագիծը, նա կօգտվի վետոյի իր իրավունքից։
Սաակաշվիլին նաև նշել է, որ ապօրինի գաղտնալսման փաստ է հաստատվել։
Նախագահը շեշտել է, որ կառավարությունը չի կատարում իր պարտականությունները, չի ապահովում տարածքային կառավարման մարմինների անվտանգությունը, ինչպես նաև նախագահին, երբ Քութաիսում նրա վրա «Վրացական երազանքի» ակտիվիստները հարձակում էին գործել։
Դրա համար անմիջականորեն մեղադերել են ՆԳՆ-ին՝ սադրանքի և անգործության համար։
Ըստ նրա՝ երկիրը կանգնած է քաոսի սպառնալիքի առաջ, որը չի ցանկանում Վրաստանի ոչ մի քաղաքական ուժ։
