Բարաք Օբամայի զինվորական ողջույնը վրդովմունքի ու քննադատությունների ալիք է բարձրացրել սոցցանցերում: Ժամանելով Նյու Յորք՝ մասնակցելու ՄԱԿ-ի Գլխավոր ասամբլեայի նիստին, ամերիկացի նախագահը ողջունել է իրեն դիմավորող ծովահետևակայիններին՝ ձեռքում պահելով ըմպելիքով բաժակը: Այս մասին հայտնում է RIA Novosti-ն:
Տեսագրությունում, որում Օբաման դուրս է գալիս ուղղաթիռից՝ աջ ձեռքում պահելով բաժակ, և ողջունում ծովահետևակայիններին՝ չդնելով այն մի կողմ կամ չփոխանցելով մյուս ձեռք, հրապարակվել էր Սպիտակ տան Instagram-ի պաշտոնական էջում:
Daily Mail-ը նշում է, որ Օբամայի ժեստը չի մեծացնի նրա երկրպագուների թիվը վետերանների և զինծառայողների շարքում:
The Washington Times-ն իր հերթին հիշեցնում է, որ ըստ կանոնների՝ պետք չէ ողջունել ընդհանրապես, եթե երկու ձեռքերն էլ զբաղված են, կամ եթե զինվորական ողջույնը անհնար է պատշաճ կերպով հղել:
