Գերմանիայի կառավարությունը մտադիր է միջազգային հարթակում հետևողականորեն հանդես գալ «Իսլամական պետություն» ծայրահեղական խմբավորման դեմ պայքարին ուղղված ջանքերում Սիրիայի նախագահ Բաշար Ասադի հետ որևէ գործարքի դեմ: Այս մասին հայտնում է Spiegel online առցանց պարբերականը:
Ինչպես ասվում է Գերմանիայի ԱԳՆ-ի ձեռքում հայտնված գաղտնի փաստաթղթում, որում հաղորդվում է «Իսլամական պետության» դեմ գործողությունների վերաբերյալ Բեռլինի ռազմավարությունը, Նյու Յորքում ՄԱԿ-ի Գլխավոր ասամբլեայի 69-րդ նստաշրջանում և այլ միջազգային հանդիպումներում Գերամանիայի իշխանությունները կպնդեն, որ «Ասադը չի կարող գործընկեր համարվել «Իսլամական պետության» դեմ պայքարում»:
Գերմանիայի ԱԳՆ-ն զգուշանում է իրադարձությունների այնպիսի զարգացումից, որի դեպքում Արևմուտքը «նրան (Ասադին) թույլ կտար վերադարձնել լեգիտիմ նախագահի կարգավիճակը»: Դիվանագետների գնահատմամբ, այդ դեպքում «Իսլամական պետությունը» «կարող էր Սիրիայի բնակչության մի մասի համար փոքրագույն չարիք լինել»: Սիրիայից «Իսլամական պետության» զինյալների դուրսբերումը «Բաշար Ասադի ռազմավարության մաս է չափավոր ընդդիմության օրինական պահանջների դեմ իր պայքարում», նշում է Spiegel-ը:
Այսպես, թե այնպես, Բեռլինը կշարունակի «աջակցել Սիրիայի չափավոր ընդդիմությանը», նշվում է փաստաթղթում:
