Վարչական դատարանը վճիռ է կայացրել հօգուտ մարտիմեկյան իրադարձություններում զոհված Տիգրան Խաչատրյանի իրավահաջորդների։ «Ազատության» փոխանցմամբ՝ դատարանն անհիմն է համարել նրանց դեմ հարկային ծառայության, տվյալ դեպքում՝ Ֆինանսների նախարարության հայցն ու մերժել է այն՝ զոհվածի ընտանիքին ազատելով մոտ 2 հազար դոլարի հավելյալ հարկային պարտավորություններից։
Բանն այն է, որ Տիգրան Խաչատրյանը 2005 թվականից մինչև զոհվելը՝ 2008-ի մարտի մեկը, փոքր տաքսի ծառայություն է ունեցել։ Երիտասարդի մահից հետո վշտի մեջ հայտնված ընտանիքը չի կարողացել շարունակել բիզնեսը և 2009-ին լուծարել է ծառայությունը։
Սակայն, ինչպես «Ազատության» հետ զրույցում պատմել է մայրը՝ Ալլա Հովհաննիսյանը, Տիգրանի մահից հետո մինչև ծառայության լուծարումը հսկայական պարտքեր են կուտակվել անգործության մատնված ծառայության վրա: Ավելին՝ հարկային մարմինները, հաշվի չառնելով իրենց ողբերգությունը, ստուգումներ են սկսել ու տույժեր սահմանել՝ ընտանիքին ներքաշելով դատական քաշքշուկների մեջ։
Դատարանում զոհվածի իրավահաջորդների ներկայացուցիչ Արմեն Խաչատրյանը «Ազատությանը» պատմեց, որ 6 տարի պահանջվեց այդ վեճերը մասամբ ավարտին հասցնելու համար։ Եվ ահա վերջերս պարզ է դարձել, որ Ֆինանսների նախարարությունը փորձում է երկրորդ անգամ բռնագանձել արդեն վճարված տույժերից մեկը՝ 800 հազար դրամի հասնող գումար, ինչը հաջողվել է կանխել դատարանի միջոցով:
«Սա չարյաց փոքրագույնն էր, որ դատարանը գոնե թույլ չտվեց վճարված գումարները ևս մեկ անգամ վճարել», – նշեց Խաչատրյանը: – «Որքան էլ սկզբում թերահավատ էինք, որ այդ որոշումը կկայացվի, այնուամենայնիվ դատարանն իր մեջ խիզախություն գտավ հարկային մարմինների ոչ իրավաչափ գործողություններին արձանագրել դատական ակտով»։
Արձանագրելով, որ սա աննախադեպ է, երբ որևէ դատարան Մարտի 1-ին սպանվածի ընտանիքի օգտին վճիռ է կայացնում՝ փաստաբանը, այնուհանդերձ, սա համարում է լոկ վարչական դատարանի դատավորի բարեխղճության հետևանք և որևէ քաղաքական ենթատեքստ այստեղ չի տեսնում։
Խաչատրյանը վկայակոչեց նույն տաքսի ծառայությանն առնչվող մեկ այլ դրվագ, երբ մեքենաներից երկուսի գնորդները «փախել են առանց Տիգրան Խաչատրյանի ընտանիքին մեքենաների գումարը վճարելու», սակայն ոստիկանությունը հրաժարվել էր քրեական գործ հարուցել և գնորդներին քրեական պատասխ
Մանրամասները՝ «Ազատություն» ռադիոկայանի կայքէջում
