Բրիտանական Ուեսթ Միդլենդս դքսության ոստիկանությունը ծառայության է վերցրել վեց շան ձագերի, որոնք մեկ տարուց կատարյալ որոնողներ կդառնան: Հիմա այդ գեղեցիկ արարածներին հնարավոր է շոյել, բայց որոշ ժամանակ անց դրա համար կարող եք ձերբակալվել՝ կատակում են Metro-ի լրագրողները։
Հիմա չորքոտանիները 6 ամսական են: Փոքրիկ անգլիական կոկեր-սպանիել ցեղատեսակի շան ձագերի անուններն են Տրև, Թեդ, Թայլեր, Թոփսի, Թուրվի և Թրոտեր: Գեղեցիկ շան ձագերի լուսանկարները հրապարակել են բրիտանական լրատվամիջոցները: Իրավապհները կամավորներ են փնտրում քաղաքացիների շրջանում, ովքեր պատրաստ կլինեն մեծացնել նրանց, քանի դեռ մեկ տարեկան չեն դարձել:
Դրանից հետո Բիրմինգհեմի ոստիկանները պլանավորում են շներից մասնագիտացված որոնողական շների դաստիարակել, որոնք ընդունակ կլինեն գտնել ոչ միայն հանցագործների հետքը, այլև՝ թմրանյութ ու պայթուցիկ:
