Ֆրանսիական Louis Vuitton նորաձևության տունը մեկ ամսվա մեջ երկրորդ անգամ փոխել է ընկերության ղեկավարին: Ջորջի Կոնստանսը, որն այս պաշտոնը ստանձնել է մոտ մեկ ամիս առաջ, աշխատանքից հեռացել է առողջական լուրջ խնդիրների պատճառով:
Ինչպես հաղորդում է The Wall Street Journal-ը, ընկերության ղեկավար է դարձել Մայքլ Բերքը:
Պարբերականի փոխանցմամբ՝ ընկերության ղեկավարությունը փոխվում է վաճառքի դանդաղ տեմպերի ֆոնի վրա:
Բերքն արդեն 30 տարի աշխատում է LVMH Moët Hennessy ընկերությունում, որը Louis Vuitton-ի սեփականատերն է: Թերթի աղբյուրների տեղեկատվության համաձայն՝ Բերքը LVMH տնօրենների խորհրդի նախագահ Բեռնար Առնոյի մոտ օգնականն է:
Նշենք, որ վերջին 7 տարիների ընթացքում Louis Vuitton-ը համարվում է ամենաթանկարժեք լյուքսային ապրանքանիշը:
