Ճապոնիայում աղբանոցում հայտնաբերվել է գրեթե 120 հազար դոլարի կանխիկ գումար,- հաղորդում է Associated Press-ը: Երկուշաբթի՝ դեկտեմբերի 17-ին, աշխատանքի ժամանակ այդ գումարը հայտնաբերել է աղբանոցի աշխատակիցը:
Ինչպես հայտնել է աղբանոցի ներկայացուցիչը՝ փողերը հայտնաբերվել են կահույքի և ներքնակների վերամշակման համար նախատեսված հատվածում: Ենթադրաբար, փողերի տերը մոռացել է, որ փողերը պահանում են, և այն հանձնել է վերամշակման:
Ոստիկանները հայտարարել են, որ հայտնաբերվածը տարօրինակ չեն համարում և չեն կարծում, թե այն կապ կունենա ինչ-որ հանցագործության հետ: Այն դեպքում, եթե առաջիկա երեք ամիսների ընթացքում փողերի տերը չհայտնվի, ապա աղբանոցը դրանք կսեփականի: Արդյոք աշխատակցին պարգևատրում սպասո՞ւմ է, թե՞ ոչ՝ դեռ հայտնի չէ:
