Ինչպես հաղորդում է NowLebanon գործակալությունը` հղում կատարելով Facebook սոցիալական ցանցի «Հանուն բարեփոխումների Սիրիայում» խմբին, Սիրիայում սպանվել է երկրի փոխնախագահ Ֆարուկ Ալ-Շարա’ան: Այլ աղբյուրներ այս տեղեկությունը չեն մենաբանել:
Նույն կայքը հաղորդում է, որ այսօր տարածվել է Սիրիայի փողոցներ դուրս գալու կոչ: «Այսօր` շաբաթ օրը, Սիրիայի բոլոր նահանգներում ապստամբություն է լինելու», ասված է կոչի մեջ, որը հրապարակվել է «Սիրիական հեղափոխություն 2011» խմբի էջում: Այդ էջը հավանել են ավելի քան 86 հազար մարդ:
Իսրայելի ռադիոն իր հերթին հաղորդում է, որ ավելի քան 200 մարդ է սպանվել այսօր Դամասկոսից ոչ հեռու գտնվող Դումա քաղաքում: Իրավապահները բռնություններով ցրել են այնտեղ հավաքված բողոքի ակցիայի մասնակիցներին: «Ազատություն» ռադիոկայանը հաղորդում է, որ չեն սպանվել, այլ ձերբակալվել են: