Մի խումբ բրիտանացի բժիշկներ այսօր կմեկնեն Բաղդադ՝ հետևելու Իրաքի նախագահ Ջալյալ Թալաբանիի առողջությանը: Այս մասին հայտնում է ITAR-TASS-ը՝ հղում անելով արաբական ԶԼՄ-ներին, որոնք իրենց հերթին վկայակոչում են Իրաքի առողջապահության նախարարության ներկայացուցիչներին:
79-ամյա Թալաբանին (քուրդ) հոսպիտալացվել էր երեկ՝ կապված առողջական վիճակի կտրուկ վատթարացման հետ և տեղավորվել մայրքաղաքի հիվանդանոցների մեկի ինտենսիվ թերապիայի պալատում: Տեղեկություն է ստացվել նաև այն մասին, որ Իրաքի առաջնորդը կաթված է տարել: Մի քանի անգամ մամուլում հայտարարություններ են հայտնվել նրա՝ կոմայի մեջ գտնվելու և նույնիսկ մահվան մասին: Ավելի ուշ նախագահական նստավայրում հերքել են այդ շշուկները՝ նշելով, որ նախագահը գտնվում է բժշկական հսկողության ներքո և բուժման կուրս է անցնում աթերոսկլերոզի դեմ: Նրա վիճակը կայուն է:
Հիվանդանոցի աղբյուրները հայտնում են, որ նա դեռևս ծանր վիճակով անգիտակից պառկած է, իսկ նրա օրգանիզմը չի արձագանքում բուժմանը:
2005 թվականի ապրիլին իշխանության եկած Թալաբանին վերջին տարիներին առողջական սւր խնդիրների է բախվում: 2008-ին նա ԱՄՆ-ում ենթարկվել է սրտի վիրահատության: 2010-ին Թալաբանին վերընտրվել է քառամյա ժամկետով:
