Ամեն տարի մարտ ամսին տեղի է ունենում «Երկրի ժամը» ակցիան: Ընդ որում` այս ակցիային մասնակցում են աշխարհի շատ երկրներում: Այն կազմակերպվում է Վայրի բնության համաշխարհային հիմնադրամի (WWF) կողմից:
Յուրաքանչյուր տարի մարտ ամսին տարբեր երկրներում նախանշված ժամին տվյալ երկրի բնակիչները մեկ ժամով հրաժարվում են օգտվել էլեկտրաէներգիայից` դրանով աջակցելով կլիմայական փոփոխությունների դեմ պայքարին:
«Երկրի ժամը» ակցիայի խորհրդանիշը «60» թիվն է, որը խորհրդանշում է մեկ ժամ կազմող 60 րոպեները: Ակցիան նպատակ ունի երկրագնդի բնակչության ուշադրությունը սևեռելու կլիմայական փոփոխությունների խնդրին, կոչ անելու մարդկանց խնայել էլեկտրաէներգիան և բնական ռեսուրսները և առաջին քայլը կատարել` բնապահպանական պայքարին միանալու համար:
Այս տարի Հայաստանը դժվար թե կարողանա մասնակցել այս ակցիային, քանի որ ողջ Հայաստանն այդ ժամին էկրաններին սևեռված դիտելու է Հայաստան-Ռուսաստան ֆուտբոլային խաղը: